歌词
五星连珠 - 陈奕迅 (Eason Chan)/苦荣/小苦妹
苦佬：不如讲个笑话大家听丫,好无呀?呀,好呀呢~
有个化学老师就问佢个学生喇,”水系由咩组成架?”
咁个学生就话”HIJKLMNO”
”咩黎架?边个教你架?”
个学生就答喇”H2O丫嘛,即系H to O啦,咪HIJKLMNO啰”
哈哈……………………………………………唔work添…
苦荣：哗~我今日几坚呀,我做耶稣果幕,眼尾梢到个评判,几睇好我呀…
苦妈：哼…你读书唔叻呀,做戏至叻…
苦荣：唔…
苦妈：递埋只碗俾我洗埋佢啦…
苦荣：喂,妈呀…不如我第时做明星咯…
苦妈：哎?唔好第时喇,宜家啦不如
苦荣：喂,唔系呀,讲真架…
苦妈：唔好添呀你,染黑个大染缸呀
苦佬：喂仔呀仔,快D出黎睇下喇喂~
苦荣：乜野呀?
苦佬：你睇下个广告,D狗仔几得意~
苦荣：……仲细咩……
苦公：呀喇,鱼虾蟹好简单既者
小苦妹：呀…
苦公：拿,你买乜,睇下开乜,开两只咪赔双倍,三只三倍啰~
小苦妹：er…但系…m…咁唔开咪无晒D钱…?
苦公：系架~
小苦妹：呀~咪先咪先,点解一定要鱼虾蟹呢,点解唔可以系猪呀,大笨象或者其他公仔丫?
苦公：问起我喇你…
苦妈：喂阿女呀,快D冲凉喇…
小苦妹：哦…
苦公：点解鱼虾呢下…
苦佬：丫下哎?…又播喇喎…果个广告…
苦妈：仔呀,快D做下功课喇…你几万年无做过功课喇…
苦公：可能以前香港呢…卖鱼搵好多钱架喎…
苦佬：只狗D表情真系…有两度架喎…喂唔好咁嘈啦,睇埋广告呀…咦?亚视又播喎个广告…
